ગૌરવવંતા ગુજરાતની ઐતિહાસિક ધરતી પાટણના નગરજન હોવુ એ આપણા સૌના માટે ગૌરવની વાત છે. વર્ષો સુધી પાટનગર તરીકે શોભા વધારી ચુકેલ પાટણ નગરના પ્રમુખ તરીકે મને સેવા આપવાનો અવસર આપ સૌના પ્રેમ, સહકાર અને વડીલોના આર્શિવાદથી પ્રાપ્ત થયો છે તે બદલ આપ સૌની હું ઋણી છું.

પાટણ શહેરને સ્વચ્છ, સુંદર અને રળીયામણુ બનાવાના મારાથી થતાં તમામ અથાગ પ્રયત્નો કરીશ. પરમાત્માએ મને આપેલ તમામ શક્તિઓ પુરુષાર્થમાં લગાડી પાટણની સેવા કરવાનું કર્તવ્ય અત્યારે હું નિભાવી રહી છુ. મારા આ સેવા યજ્ઞમાં આપ સૌએ પણ અત્યાર સુધી અવિરત સાથ અને સહકાર આપ્યો છે તેથી આપ સૌના વિશ્વાસ થકી આજે પાટણની પ્રજા માટે જનસેવા પોર્ટલ નગરજનોને અર્પણ કરી રહ્યા છીએ. જેનાથી આપ સૌને નગરપાલિકાની ઓનલાઇન સેવાનો ઘર બેઠા લાભ મળશે.

આપ સૌ પાસે આપણા ઐતિહાસિક નગર પાટણને જ્યારે વર્લ્ડ હેરીટેઝ સ્મારક મળ્યુ હોય ત્યારે આપણા શહેરને સ્વચ્છ, સુંદર અને રળીયામણું રાખવામાં આપ સૌ સહયોગ આપશો તેવી અપેક્ષા સહ...

ભારત માતાકી જય... વંદે માતરમ...